رواية ضحية لمن لا يرحم الفصل الحادي والعشرين 21 بقلم زهراء الحسناوي
،،،،،،،،،،،،،،،،،،،،،،،،، ،،،،،،،،،،
شايف من تبين عود مامكسور؟
وتضحك وبضحكتك تنزل الدمعه
ضگتها وگمت ادور ع الهوا بسرعه
منها وگمت احس بحرگه الفلاح
من يوصل حصاده ويحترگ زرعه
،،،،،،،،،،،،،،،،،،،،،،،،، ،،،
زينب،،دقايق وره ماقفل الباب حسن گبت العيطه بالغرفه كلها تتصارخ لااراديا صرت اصيح
مثل المخبله ساعه اركض للطارمه اصيح يباووو
ساعه ارجع ادگ بالباب اهمش بثنين اديه اريد يفتح الباب
اسمع صوت صريخهن عالي
ركضت الباب الحوش وجان يدخل لواء احس الله دزاه بهذا الوقت خطيه يركض وياي لجوه ومايعرف شنو السالفه
واني اركض كتله الحگ اهلللك حسن حرگهمم
خطيه دخل شايط وبسرعه دفع الباب كسره
والله كل ضني اشوفهم مشتعلين
بس الحمدالله اباوعلهم كلهم نگعانين نفط مثل الجريذي المبلل واحد خاتل بضهر الثاني
حتى الشيخ واكع شماغه وعگاله ودشداشته بيها طگع مال نفط
ام لواء تبجي عبالك اجاها طوق النجاة من شافت لواء
تبجي وتحجي
ام لواء،، وللك يمه اخووك راد يحرگنه واحنه عددليين
يايمه سوده بوجوهنه ولك ليش يمه يوميه مهبطنننه؟
زينب،، حسن واگف بالباب ياجبل مايهزك ريح بيده الجداحه
جاوبها
حسن،، يوميه اخرعكم هيج خرعه اخليكم عايشين برعب طووول عمركم والللله
اني الكممم بسيطططه عبالكم ترتاااحون؟؟
لا ورويحتهاااا ماشفتووو الراحه ابدددد
زينب،، الشيخ من شاف لواء يالله جر نفس ونهض يريد يتعارك لواء وكف بنصهم حسن يزمخ علئ ابو وذاك بس يغلط ويصيح بصوت عالي
حسن،، دعوووفه خلي اشوووف شيريد يسووي؟؟
مساااع خااتل جنه عصفوورر مبلل وهسه يرعد
من شافك صار سبببع
بس ولو گالهاااا ابو المثللل
الچلللب يتسبع ابااب اهله
ابو لواء،، ولك هااي ويامن اابن الكلب
صووجي انطيتك مجاال يوميه ماكلين شوغه من وراااك
بس ورروح حسين اله اشمرك بمستشفئ المجانين
زينب،، لواء سحل حسن يعد ويصف ونذيره ترجف هي وبناتها مدري شتحجي ماانتبهتلها لان صوت ابو لواء وحسن عالي
كوه لواء جر حسن بره صعده وياه للغرفه يدفع بي
وهو يهدد كل شويه يريد يرجع يتعارك
البيت مخبوص صعدت وراهم دخلنه للغرفه لواء لازم حسن دفعه
حسن،، وخرر عني
لواء،، كاافي الخاطر ربك تره والله صرت اكره البييت بسبب الطلايب
حسن،، من يموتون امك وابوك ونذيره كلها ترتاااح
لواء،، ولك حرام ذوله امك وابوك الله مايرضه
حسن،، مااتشرف عندي هيج اهل والعباس اطخ ابراسي مره الثانيه اكهربهم واحد واحد
مااهده لمن اشوفه يثعول جدامي
لواء،، وشنوو تستفاد؟
حسن،، المهم ارتاح
لواء،، اعقل حسن كافي اذا تحبها والها خاطر يمك مالك شغل بامي وابوي تره مهما يكون السوو بيك الله راح يعاقبك
زينب،، كعد حسن بالكاع انتجه وايده على راسه
مااتحمل نزلت دموعه ودنگ
اول مره اشوفه يبجي
حسن،، ليش ياخويه هذا الاني بي موعقااب؟
حرموني منها وحرموها من شم الهوئ
لو مامنتقلين ماجان ضربتها سياره وماتت
لواء،، استغفر الله بعد اخوك
هذا حد يومها
زينب،، واكفه على صفحه حاطه حجابي على حلگي ابجي على حسن يكسر الخاطر
تالي عافنه وطلع راح الغرفته
من اذكر منضرهم اضحك بس من ارجع اذكر دموع حسن انقهر
لواء خطيه كل مايجي تتلگاه المصايب بوجها
نهض نزع قميصه
من الهوسه حتى واحد ماسلم ع الثاني
اخذت القميص بي ريحة نفط من حسن
انطاني ملابسه اخذتهن راح غسل ورجع
طلعتله ملابس حتى يسبح
جر راسي باسه
لواء،، والله نسيت اسلم ادوهنت من سمعتج تصيحين
زينب،، اخذت ملابسه للحمام كتله اسبح وارتاح بين مااحضرلك غده
بسبب الهوسه محد اكل لان حسن خوش غداهم غده معدل
ع الهبطه الشافوها بعد ماياكلون شهر كامل لكدام
نزلت صارت بوجهي نذيره اباب الحمام هي وامها وجنه يدفعن بعربانه ام لواء يردن يسبحنها عن النفط
عبرت من يمي غفران شايله ملابس الهن يسبحن
ياهي التعبر من يمي تكفخني ريحه النفط منها
حسن مغرگهن اتغرگ
بسرعه طلعت كبه گليت اخذت غده الي ولواء وصعدت لگيته طالع من الحمام مشط واجه ياكل
كعدنه نتغده اتذكرت حسن
طفرت كتله بس اصيح الحسن ياكل خطيه
ابتسملي
رحت دگيت الباب على حسن وفتت لگيته بعده بنفس. ملابسه كتله خيي كوم اتغده ويانه لواء يصيحلك
حسن،، گليله مااريد مااشتهي رحمه لهلج سدي الباب وراج
زينب،، خطيه يحجي مخنوگ عفته وطلعت رجعت للغرفه سالني لواء جاوبته نايم عوفه براحته
قبل لانتغده عزلت حصة حسن علئ صفحه
من كملنه اخذتها ورحت دكيت علي الباب ماجاوب فتت كاعد بس ماجاوبني خليت الاكل ع الميز
كتله من تجوع اكل عفته وطلعت
من اجه لواء ماخلاني انزل العصر
كال اليوم خميس ليله جمعه راح اجيب سمج شوي بثواب حسين وجود
للمغرب رجع لواء شايل صينيه سمج انترس المطبخ ريحه احس معدتي گلبت ركضت للحمام اتقئيت
لحكني لواء واكف فوگ راسي
طلعت روحي كملت غسلت
لواء،، شبيج زينب؟؟
زينب،، مابيه بس لعبت نفسي من ريحة السمج
الباب مفتوح دفعه بيده سده
لواء، غايبتلج؟؟
زينب،، شنو هي؟؟
لواء،، زينب شببج جاي اسالج ع الشهريه؟
زينب،، والله ماادري بس من زمان قبل ما
لواء،، قبل مااخذج ماجايتج؟
زينب،، اي حجيتها ودنگت مستحيه منه
كتله وشعليها الشهريه ليش تسأل
لواء،، بويه نصعد بغرفتنه ونسولف على هاي اسالتج تخلفين بالحمام وبعدج مامفتهمه
زينب،، طلعت صعدت وراه
من صرنه بغرفتنه كعدني يمه يسالني
اخر شي گال خاف حامل باجر اخذج اسويلج تحليل
كتله زين الشهريه شعليها بالحمل؟؟
لواء، زينب صدگ ماتعرفين لو ثاولتها؟؟
زينب،، وروح ابوي مااعرف هاي شعليها بهاي؟
لواء،، اشلون يابويه جا منين يصير الطفل من
شيب جدادي؟؟
زينب،، والله مااعرف واول مره اسمع
اتمدد وجرني الحضنه
لواء، الشي الماتعرفي تعاي اسأليني واني افهمج
ماشي؟
بويه الحيض يجي للمره كل شهر بس من تتزوج اذا الله رزقهم بطفل بعد ماتجي لمن تجيب
انتي قاريه قران؟؟
زينب،، هزيت راسي بمعنى اي
لواء،، قاريه قول الله تعالى
بسم الله الرحمن الرحيم
(ولقد خلقنا الانسان من سلالة من طين
ثم جعلناه نطفه في قرار مكين
ثم خلقنا النطفه علقه فخلقنا العلقه مضغه فخلقنا المضغه عظاما فكسونا العظام لحما ثم انشأناه خلق اخر فتبارك الله احسن الخالقين)
صدق الله العظيم
زينب،، كعد يشرحلي مراحل تكون الانسان واشلون يتكون وسبب غياب الدوره واهواي اشياء بس كان شرحه بالخط العريض بحيث متت خجل
ردت اكوم رجعني لان صخنت من الشرح كال لاحياء ف الدين واني زلمتج واجب افهمج الشي الماتعرفي صدگ فهمت احس روحي غبيه جدامه
شويه ونام
ثاني يوم العصر كال حضري روحج اخذج للدكتوره
باوعت الروحي حتى حذاء ماعندي البس
لبست ثوبي وعباتي لفيت حجابي وطلعت بس لابسه جواريب وانعال
شافني
لواء،، هيج ترحين؟؟
زينب،، اشلون
لواء،، بنعال؟؟
زينب،، جا ماعندي حذاء
لواء،، يالله بويه اصعدي راح تجلطيني بسكوتج
زينب،، صعدت وياه همزين ماهنه ام لواء بغرفتها والحيايه ابيتهن
وگفنه يم مول نزل هو
لواء شگد تلبسين؟؟
زينب،، هاا
لواء،، ولج صايره خوثه جاي اسالج شكد حجم رجلج؟؟
زينب،، ٣٨
راح شويه ورجع جايب علاكه سوده انطاها الي
فتحتها بيها حذا افلات اسود نازك كلش حلو
دنگت خليته برجلي وشلت النعال تكرمون خليته بالعلاكه اجت فيت الحذاء على رجلي
وصلنه للدكتوره عادي ماعندي احساس انو اني عندي قلق لو متوتره اصلا عبالك شي عادي
وصل السره مالتنه دخلت للدكتوره فحصتني وسالتني ع الشهريه كتلها مااذكر شوكت
ضلت تضحك كالت ماما لازم تحسبين النفسج
انطتني ورقه حولتني للسونر وللتحليل لان جوه عيوني سواد كالت عندج فقر دم بس حللي اريد اعرف نسبته
طلعت لواء ينتضرني بره انطيته الاوراق مال التحاليل
اول حللنه دم وتركنا بين ماتضهر النتيجه وانوب رحنه للسونر اخذتلي الدكتوره
گالت ماما حامل وابدايه حملج توه شهر وعشر ايام
حتى نبضه بعده ضعيف وبعد عشر ايام ثانيات يالله ترجعيلي اخذلج سونر مره ثانيه حتى نشوف النبض زين
اخذت الورقه وطلعت كتله حامل لو طار من الفرح بس يوزع ابتسامات واني كل مشاعر ماعندي
قبل دقايق كالتلي حامل ومن هسه شلت هم اشلون اجيبه؟؟
بالسياره كال اخذج للمول تنزلين تختارين التردي اليوم بس الج واحنه خدام
ابتسمتله
وفعلا نزلنه للمول مالي خلگ جنت اتمنئ اجي واشتري الشي البنفسي
بس هسه كلشي جدامي ومالي نفس اشتري
صار هو يختار شكو شي يعحبه يشتري كل الدشاديش لونهن اسود لان حزنانه
بس سيتات النوم گال فوتي يم القسم المختص بذني السوالف لان مايخلون بس بنات تفوت
شاورني
لواء،، اشتريهن حلوات وكون كلهن الوان اذا جبتي اسود اشگهن عليج
زينب،، دخلت يم البنات اباوع شاهت عيني شنو اشتري مااعرف
الابنيه سالتني شنو تردين ضليت صافنه
تالي كتلها اختاريلي على ذوقج مبينه حبابه
فعلا صارت تجيب واتحط جدامي كلهن حلوات
لمن كصتلي وصل طلع سعرهن اكثر من سعر الملابس الاشتريتهن بره
عززه هسه فشله ارجع نصهن؟؟
طلعت الواء بيدي الوصل انطيته اله
طلع فلوس گال انطيهن للابنيه جيبي غراضج وتعاي
طول الطريق ظايجه
من وصلنه للبيت ونزلت شافتني نذيره ضلت عينها ع العلاليگ الشايلهن لواء
صعدت قبله للغرفه وهو صعد حط الغراض بالكاع ونزل كال خل اروح ابشر ابوي
احسه فرحان كلش
من رجع سالني
لواء،، شببج مغندبه؟؟
زينب،، خايفه
لواء،، من شنو؟
زينب،، اشلون اجيبه!؟
شو هذا طگها ظحكه بصوت عالي
لواء،، گولي ياالله تونه حللنه يمعوده ربج الحطاه يطلعه لاتخافين الله يسهلها من يجي وكته
بعدنه بسم الله وانتي من هسه شلتي هم
زينب،، مو شفت نسوان اهواي بطونهن كبار يم الدكتوره وامي هم من حبلت بااخوي امير
يومين اسمعها تصيح وكل مايخاذها ابوي للدكتوره ترجعها تكلها بعدها ماعدها توسع
اني حجيت هيج وهذا خربان ضحك
على سوالفي
لواء،، من هسه حرنه بالتوسع بويه عوفيها وره الله واسكتي ازغر منج وكل. وحده يمشون جهالها وراها تگول كتاكيت وانتي من هسه وجهج يبجي
زينب،، بيومها كلهم عرفو بحملي بس ابوهم فرح لكن نذيره وبناتها ضاجن كلش
اسبوع اني مرتاحه من يجي لواء مايقبل افتر اهواي وخاصتا من عرف بيه حامل
مايخليني اوكف هواي بالمطبخ
ضاجن كلش بحيث على ساعه اتحسهن ينفجرن
من انزل نذيره تكول قابل مشكل بخيط؟
لوملزگينه بعلج؟
النسوان تطلع للشغل وبطونها الخشمها
اسبوعين لواء موجود اني مرتاحه
عندي بس لعبان نفس لكن مااشتهي اي شي
الماي اذا اشربه اتقيئ
رجعنه للدكتوره وهم سوتلي سونر كالت نبضه طبيعي وكلشي مابي
قبل ماتنتهي اجازه لواء بيومين
راح تسوگ مسواگ كامل حتى صندوگ عصاير ونساتل ماخلئ شي ماجابه
كل شويه يوصيني لاتنزلين لاتشتغلين
بس اني متاكده من يروح نذيره تستلمني اطلع الراحه الارتاحيتها بذني الاسبوعين من خشمي
انتبهت جنه مالها صوت خانسه صارلها كم يوم
حتى وجها متغير
مرات تتقيئ ومن تسالها امها تگلها معدتي متخربطه
شگد حاولت امها تاخذها للطبيب لكن رفضت ماتقبل
بس انتبهتلها اهواي تاخذ حبوب
كل شويه تاخذ حبايه شكل ساعه براسيتمول ساعه مال معده
العصر خلص الماي والاساله مگطوعه
الخزانات فارغه مال الحمامات الداخليه
وبس خزان واحد متروس ماي وهو خزان التواليت الجنت اسبح بيها قبل
بليل الساعه ب1تقريبا انحصرت اريد انزل للتواليت اخاف وحدي اطلع لبره
كعدت لواء حتى ينزل وياي
خطيه بسرعه فز نزلنه اثنينه
وصلنه للمطبخ سمعنه طگه مال باب خفيفه
اني صفنت ولواء باوعلي اشرلي بمعنئ اشش
جر ايدي للصاله بدون صوت
لواء،، صاعد اجيب اسلاحي واجي لاتخافين
زينب،، عافني وصعد ركض بدون صوت
عيوني ع الباب اكيد هذا حرامي
لان باب ام لواء مسدود
وباب المطبخ مقفول من الداخل
وطگه الباب مومال باب داخل البيت
لا الصوت من بره واكثر شي من المخزن الجنت انام بي
نزل لواء بيده اسلاحه
هو طلع واني لازگه بضهره ماقبلت ابقه
باب المطبخ سرگي مو قفل
انطاني اسلاحه لزمته وفتح السرگي بدون صوت
طلعنه اثنينه دفعني يريدني افوت هزيت راسي ماقبلت
وصلنه للمخزن سمعنه صوت خفيف
لواء اتقرب يتاكد من الصوت
دفع الباب ودخل
جان نشوف جنه كاعده بالكاع تبجي ونفس الولد كاعد يمها
اثنينهم طفرو من مكانهم من شافو لواء
دخل عليهم بسلاحه
يتتبع
ﺍﻟﺴﻼﻡ ﻋﻠﻴﻜﻢ ﺑﻨﺎﺕ
ﺑﺎﺫﻥ ﺍﻟﻠﻪ ﻛﻢ ﻳﻮﻡ ﻭﻧﺒﺪﻱ ﺑﺎﻟﺠﺰﺀ ﺍﻟﺜﺎﻧﻲ
ﻣﺎﺭﺍﺡ ﺍﻭﻗﻒ ﺍﻟﺮﻭﺍﻳﻪ ﻟﻮ ﻣﺎﺍﻛﻮ ﻣﺸﺮﻭﻉ
ﺭﺍﺡ ﻳﻔﻴﺪ ﺍﻟﻜﻞ ﺑﺲ ﺍﻧﺪﻋﻮﻟﻲ
ﺍﻣﺎﻧﺔ ﺍﻟﻠﻪ ﺗﻨﺪﻋﻮﻟﻲ ﺍﻭﺻﻞ ﺍﻟﻬﺪﻓﻲ
ﻭﻳﺎﺭﺏ ﺗﻜﻮﻥ ﻫﺎﻱ ﺍﻟﺮﻭﺍﻳﻪ ﺻﺮﺧﻪ ﻣﺴﻤﻮﻋﻪ
ﺿﺪ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ
ﺍﻟﻲ ﻟﺤﺪ ﺍﻻﻥ ﺍﻛﻮ ﺑﻨﺎﺕ ﻳﮕﻮﻟﻦ ﻣﺎﻛﻮ ﻓﺼﻠﻴﺎﺕ
ﻻﻥ ﻣﺎﻋﺎﻳﺸﺎﺕ ﻭﻻﻣﺠﺮﺑﺎﺕ ﻋﻴﺸﺔ ﺍﻟﻔﺼﻠﻴﻪ
ﺩﻋﺎﺋﻜﻢ ﺍﻟﺰﻳﻨﺐ ﺍﻟﻤﻀﻠﻮﻣﻪ
ﺍﻟﻲ ﺗﺘﻤﻨﺊ ﺗﻜﻮﻥ ﻗﺼﺘﻬﺎ ﻧﻬﺎﻳﺔ ﻟﻜﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻌﺸﺎﺋﺮﻳﻪ ﺍﻟﺘﻀﻠﻢ ﺍﻟﻤﺮﻩ ﻭﺗﺒﺨﺲ ﺣﻘﻬﺎ
ﺍﻛﻮ ﻣﻨﻜﻢ ﻳﻌﺘﺒﺮ ﺍﻟﺮﻭﺍﻳﻪ ﺑﻴﻬﺎ ﻣﺒﺎﻟﻐﻪ
ﻻ ﻭﺍﻟﻠﻪ ﻛﻞ ﻣﺒﺎﻟﻐﻪ ﻣﺎﺑﻴﻬﺎ
ﻭﻧﻔﺲ ﻣﺎﻭﺻﻠﺘﻨﻲ ﻭﺻﻠﺘﻬﺎ ﺍﻟﻜﻢ ﻓﻘﻂ ﺍﺿﺎﻓﺎﺕ ﺑﺴﻴﻄﻪ
ﺟﺪﺍ ﻻﻥ ﻣﺎﺍﺭﻳﺪ ﺗﻜﻮﻥ ﺍﻟﺮﻭﺍﻳﻪ ﺛﻼﺙ ﺍﺭﺑﺎﻋﻬﺎ ﻣﻦ ﺍﻟﺨﻴﺎﻝ
ﺭﺍﺡ ﺍﻭﺿﺢ ﺍﻟﻜﻢ ﻧﻘﺎﻁ ﺑﺨﺼﻮﺹ ﺍﺻﺤﺎﺏ ﺍﻟﺮﻭﺍﻳﻪ
ﺍﻛﺜﺮﻛﻢ ﻳﻜﻮﻟﻮﻥ ﻣﺎﻛﻮ ﺑﻨﺖ ﻓﻘﻴﺮﻩ ﻭﻣﺘﻌﺮﻑ ﻣﺜﻞ ﺯﻳﻨﺐ ﻭﻏﺼﻮﻥ
ﺍﻧﻲ ﻣﻦ ﺍﻟﺒﺪﺍﻳﻪ ﺳﺮﺩﺕ ﺍﺩﻕ ﺍﻟﺘﻔﺎﺻﻴﻞ ﺣﺘﻰ ﺗﻮﺻﻞ ﺍﻟﻜﻢ ﺍﻟﻔﻜﺮﻩ ﺑﺼﻮﺭﻩ ﻭﺍﺿﺤﻪ ﻭﻣﺎﻳﻜﻮﻥ ﺍﻛﻮ ﺛﻐﺮﻩ ﺗﺴﺒﺐ ﺍﻟﻨﻪ ﺣﻴﺮﻩ ﺍﻭ ﻋﻼﻣﻪ ﺍﺳﺘﻔﻬﺎﻡ
ﺍﻭﻻ ﺯﻳﻨﺐ ﻣﻦ ﻋﺎﺋﻠﻪ ﺟﺪﺍ ﻓﻘﻴﺮﻩ ﺑﺤﻴﺚ ﺗﻜﻮﻝ ﺍﺑﻮﻱ ﻣﺎﺕ ﻭﻣﻮﺑﺎﻳﻠﻪ ﺻﺮﺻﺮ ﻭﻛﻠﻜﻢ ﺗﻌﺮﻓﻮﻥ ﻧﻮﻉ ﻫﺬﺍ ﺍﻟﺠﻬﺎﺯ
ﺍﻣﺎ ﺑﻴﺘﻬﻢ ﺣﺎﻟﺘﻪ ﻳﺮﺛﺊ ﻟﻬﺎ ﺟﻬﺎﺯ ﺗﻠﻔﺰﻳﻮﻥ ﻋﺪﻫﻢ ﻗﺪﻳﻢ
ﺍﺗﻜﻠﻲ ﻭﺍﻟﻠﻪ ﻣﺮﺍﺕ ﻣﺎﻳﺸﺘﻐﻞ ﻧﻀﺮﺑﻪ ﺑﻨﻌﺎﻝ ﺗﻜﺮﻣﻮﻥ ﻳﺎﻟﻠﻪ ﻳﺮﺟﻊ ﻳﺸﺘﻐﻞ ﻣﻦ ﺍﻟﺘﻠﻔﺰﻳﻮﻧﺎﺕ ﺍﻟﻘﺪﻳﻤﻪ ﻣﻮ ﺍﻟﺒﻼﺯﻣﻪ ﺣﺘﺊ ﺍﻟﺴﺘﻼﻳﺖ ﻋﻤﻬﺎ ﻣﻨﻄﻲ ﺍﻟﻬﻢ ﻗﺪﻳﻢ
ﺗﺤﻠﻒ ﺗﻜﻮﻝ ﻣﺎﻋﺪﻧﻪ ﺍﻓﺮﺍﺵ ﻧﺘﻐﻄﻪ ﺑﻲ ﺣﺎﻟﺘﻨﻪ ﺣﻴﻞ ﺗﻌﺒﺎﻧﻪ ﺑﺤﻴﺚ ﺍﻛﺜﺮ ﻓﺮﺍﺷﻨﻪ ﻣﻦ ﺑﻴﺖ ﻋﻤﻲ ﺍﺑﻮ ﻏﺼﻮﻥ
ﻳﻌﻨﻲ ﺍﻧﺘﻮ ﺍﻋﻘﻠﻮﻫﺎ ﻣﻨﻴﻦ ﺭﺍﺡ ﺗﻌﺮﻑ ﻭﻫﻲ ﻣﻨﺪﺛﺮﻩ ﺑﺤﻴﺎﻩ ﺍﺷﺒﻪ ﻟﻠﻌﺪﻡ؟؟
ﺍﻟﻌﺎﻳﺸﻪ ﺑﺮﺍﺣﻪ ﺧﻞ ﺗﺒﻮﺱ ﺍﻳﺪﻫﺎ ﻭﺗﺤﻄﻬﺎ ﻋﻠﻰ ﺭﺍﺳﻬﺎ ﻭﺍﻧﻲ ﻭﺣﺪﻩ ﻣﻦ ﺍﻟﻨﺎﺱ ﺍﻟﻒ ﺍﻟﺤﻤﺪﺍﻟﻠﻪ ﻋﺎﻳﺸﻴﻦ ﺑﻨﻌﻤﻪ ﻓﻀﻴﻠﻪ ﺍﻛﻮ ﻏﻴﺮﻧﻪ ﻳﺘﺤﺴﺮ ﻋﻠﻰ ﻫﺎﻱ ﺍﻟﻨﻌﻤﻪ
ﺗﻜﻮﻟﻦ ﻭﻳﻦ ﺍﻛﻮ ﺑﻨﻴﻪ ﻣﺎﺗﻌﺮﻑ ﺍﻟﺤﻴﺎﻩ ﺍﻟﺰﻭﺟﻴﻪ؟؟
ﺍﻛﻮ ﻛﺜﻴﺮ ﺑﻨﺎﺕ ﻣﺎﻳﻌﺮﻓﻦ ﻣﻮﺷﺮﻁ ﺍﻟﻜﻞ ﻣﻔﺘﺤﺎﺕ ﺑﻠﺒﻦ ﻣﺜﻞ ﻣﻨﮕﻮﻝ
ﺍﻣﺎ ﻏﺼﻮﻥ ﻑ ﻏﺼﻮﻥ ﻓﻄﻴﺮﻩ ﺍﻓﻄﺮ ﻣﻦ ﺯﻳﻨﺐ
ﻭﺗﺠﻔﺺ ﺍﻫﻮﺍﻱ ﻭﺩﺍﺋﻤﺎ ﺗﺼﻠﺢ ﺍﻟﻐﻠﻂ ﺑﻐﻠﻂ ﺍﻛﺒﺮ ﻣﻨﻪ
ﻭﺍﻻﻓﺘﻬﻤﺘﻪ ﻣﻦ ﻛﻼﻡ ﻏﺼﻮﻥ ﺫﻳﺎﺏ ﺷﻜﺎﻙ ﻭﻏﻴﻮﺭ ﺍﻻﺑﻌﺪ ﺍﻟﺤﺪﻭﺩ
ﻣﻦ ﻏﻴﺮﺗﻪ ﻣﺎﺧﻼﻫﺎ ﺗﺮﻭﺡ ﻟﻬﻠﻬﺎ
ﻻﻥ ﻣﻔﻜﺮﻫﺎ ﺗﺤﺐ ﺍﺑﻦ ﻋﻤﻬﺎ
ﻭﻏﺼﻮﻥ ﻙ ﺍﻟﻌﺎﺩﻩ ﺭﺍﺣﺖ ﺑﺪﻭﻥ ﻋﻠﻤﻪ ﻭﺛﺒﺘﺖ ﺍﻟﺴﺎﻟﻔﻪ ﻋﻠﻴﻬﺎ
ﺍﻣﺎ ﺑﺎﻟﻨﺴﺒﻪ ﻟﻠﺤﺒﺎﺑﺎﺕ ﺍﻟﻲ ﺩﺍﺍﺷﻮﻓﻬﻦ ﻳﺴﻘﻄﻦ ﺑﺎﻟﺮﻭﺍﻳﻪ ﺑﺎﻟﻜﺮﻭﺑﺎﺕ ﻭﺑﺎﻟﺒﻴﺠﺎﺕ ﻻﻥ ﺍﻟﺮﻭﺍﻳﻪ ﻧﺎﺟﺤﻪ ﻭﺗﺸﺮﺡ ﻭﺍﻗﻊ ﻣﺮ
ﺍﻟﺘﻜﻮﻝ ﻛﺬﺏ ﻭﻣﺎﻛﻮ ﻫﻴﺞ ﺿﻠﻢ
ﻟﻌﺪ ﺷﺤﺴﺒﺎﻟﺞ؟؟
ﺍﻟﻔﺼﻠﻴﻪ ﻣﺪﻟﻠﻪ؟؟
ﻟﻮﻣﻘﺘﻨﻌﻪ ﺑﻘﺼﺺ ﺍﻟﻔﺼﻠﻴﺎﺕ؟؟
ﺍﻟﻴﺼﻴﺮﻥ ﻫﻨﻪ ﺍﻣﻬﺎﺕ ﺍﻟﺒﻴﺖ ﺍﻟﻴﺎﻣﺮﻥ ﻭﻳﻨﻬﻦ ﻭﻣﺪﻟﻼﺕ ﻭﻋﺎﻳﺸﺎﺕ ﻗﺼﻪ ﺣﺐ
ﺍﻟﺪﺭﺟﻪ ﺧﻠﻦ ﻛﺜﻴﺮ ﻣﻦ ﺍﻟﻤﺮﺍﻫﻘﺎﺕ ﻳﺤﻠﻤﻦ ﻳﺮﺣﻦ ﻓﺼﻠﻴﻪ
ﺗﺮﻩ ﺍﻛﻮ ﻣﺸﺎﻫﺪ ﻣﺎﺫﻛﺮﺗﻬﺎ ﺑﺎﻟﺮﻭﺍﻳﻪ ﻟﺒﺸﺎﻋﺘﻬﺎ
ﻻﻥ ﻣﻦ ﻛﺜﺮ ﻣﺎﻫﻲ ﺑﺸﻌﻪ ﺗﻜﻮﻝ ﻣﺴﺘﺤﻴﻞ ﺍﻛﻮ ﻫﻴﺞ ﻧﺎﺱ ﻣﺎﻛﻮ ﺑﻜﻠﺒﻬﻢ ﺭﺣﻤﻪ
ﺑﻌﻴﺪﺍ ﻋﻦ ﺍﻟﻘﺼﻪ ﺍﺣﺐ ﺍﺩﺭﺩﺵ ﻭﻳﺎﻛﻢ
ﺣﺘﻰ ﺍﺛﺒﺘﻠﻜﻢ ﻓﻌﻼ ﺍﻛﻮ ﻓﺼﻠﻴﺎﺕ ﺍﻟﻴﻮﻣﻨﻪ ﻫﺬﺍ
ﺍﻛﻮ ﻧﺎﺱ ﻣﺎﻣﺼﺪﻛﻪ ﻻﻥ ﺑﻘﺎﻧﻮﻥ ﻋﺸﺎﻳﺮﻫﻢ ﻣﺎﻛﻮ ﺷﻲ ﺍﺳﻤﻪ ﻓﺼﻠﻴﻪ
ﺑﺲ ﺍﻛﻮ ﻋﺸﺎﺋﺮ ﺍﻟﻬﺬﺍ ﻳﻮﻣﻨﻪ ﻋﺪﻫﻢ ﺳﺎﻧﻴﻪ ﺍﻟﻨﻬﻮﻩ ﻭﺍﻟﻔﺼﻠﻴﻪ ﻭﺍﻟﺪﻳﻪ ﻭﻃﺒﻌﺎ ﻛﻞ ﻫﺎﻱ ﺍﻻﻣﻮﺭ ﻳﺤﺎﺳﺒﻮﻥ ﻋﻠﻴﻬﺎ ﺍﻣﺎﻡ ﺍﻟﻠﻪ ﻭﺍﻟﺪﻭﻟﻪ ﻛﺬﻟﻚ ﻣﺎﻧﻌﺘﻬﺎ
ﺑﺲ ﺗﻌﺮﻓﻮﻥ ﺍﻧﺘﻮ ﻋﺮﺍﻗﻨﻪ ﺍﻟﻌﻀﻴﻢ
ﺻﺎﻳﺮ ﻣﺜﻞ ﺍﻓﻼﻡ ﻛﺎﺭﺗﻮﻥ ﻛﻠﺸﻲ ﻣﺒﺎﺡ ﺑﻲ
ﻭﺷﺎﻫﺪﻧﻪ ﻭﺍﻟﺪﻟﻴﻞ ﺍﻟﺠﺎﻱ ﻧﺸﻮﻓﻪ ﻣﻦ ﺧﻼﻝ ﺍﻟﻴﻮﺗﻴﻮﺏ
ﺟﺮﺍﺋﻢ ﺗﻮﮔﻒ ﺍﻟﻌﻘﻞ
ﺍﻡ ﺗﺸﻤﺮ ﺍﻃﻔﺎﻟﻬﺎ ﺑﺎﻟﻤﺎﻱ
ﻭﺍﻟﺰﻭﺟﻪ ﺗﻘﺘﻞ ﺯﻭﺟﻬﺎ ﺑﻜﻞ ﺑﺮﻭﺩ
ﻭﺍﻟﺰﻭﺝ ﻳﺤﺮﮒ ﺯﻭﺟﺘﻪ
ﻭﻛﺜﻴﻴﻴﺮ ﺍﻣﻮﺭ ﻣﺎﻳﺴﺘﻮﻋﺒﻬﺎ ﺍﻟﻌﻘﻞ ﻭﺍﻟﻤﻨﻄﻖ
ﻑ ﻟﺘﺴﺘﻐﺮﺑﻮﻥ ﻗﺼﻪ ﺯﻳﻨﺐ
ﻳﻤﻜﻦ ﻣﺴﺘﻐﺮﺑﻴﻬﺎ ﻻﻥ ﺣﻘﻴﻘﻴﻪ
ﺍﻟﻠﻪ ﻭﺍﻛﺒﺮ ﺑﺸﺮ ﻣﻀﻠﻮﻡ ﻣﻦ ﺍﻟﻤﺠﺘﻤﻊ
ﻭﻣﻦ ﺍﻟﺘﻘﺎﻟﻴﺪ
ﻭﻣﻦ ﺍﻟﻌﺎﺩﺍﺕ
ﻭﻣﻦ ﺍﻟﻌﺎﺋﻠﻪ
ﻭﺍﻧﻮﺏ ﻧﺠﻲ ﺍﺣﻨﻪ ﻧﺘﻬﺠﻢ ﻋﻠﻲ
ﺗﺮﻩ ﺍﻟﺮﺣﻤﻪ ﺣﻠﻮﻩ
ﻟﺤﺪ ﺗﺤﺠﻲ ﻋﻠﻰ ﺯﻳﻨﺐ ﻻﻥ ﺍﻟﻠﻪ ﻓﻮﮒ ﺭﻭﺳﻨﻪ
ﻭﺧﺎﺻﺘﺎ ﺍﺫﺍ ﻛﻨﺘﻲ ﺑﻨﻴﻪ ﻣﺎﻣﺘﺰﻭﺟﻪ
ﺧﺎﻓﻲ ﺍﻟﻠﻪ ﻻﻳﺠﻲ ﻳﻮﻡ ﻭﺗﻨﺸﻤﺮﻳﻦ ﻣﺜﻠﻬﺎ
ﺭﺍﺡ ﺍﺣﺠﻴﻠﻜﻢ ﻋﻦ ﻋﺸﻴﺮﺗﻴﻦ ﻳﻤﻨﻪ ﻣﺎﺍﺫﻛﺮ ﺍﺳﻤﺎﺋﻬﻢ ﺣﺘﻰ ﻣﺎﻳﺸﻴﻠﻮﻧﻪ ﻭﻳﺸﻤﺮﻧﻪ ﺑﺎﻟﺸﻂ
ﻗﺒﻞ ﺳﺒﻊ ﺳﻨﻮﺍﺕ ﺍﺗﻌﺎﺭﻛﻮ ﺍﺛﻨﻴﻦ ﺷﺒﺎﺏ ﻉ ﺍﻟﺤﺪ ﻣﺎﻝ ﺍﻟﻘﻄﻊ ﺍﻻﺭﺍﺿﻲ ﻣﺎﻟﺘﻬﻢ
ﺣﺠﺎﻳﻪ ﻣﻦ ﻫﺬﺍ ﻭﺍﺣﺠﺎﻳﻪ ﻣﻦ ﺫﺍﻙ ﺻﺎﺭﺕ ﻋﺮﻛﻪ
ﻭﺷﺎﻳﻔﻴﻦ ﺍﻟﺸﻴﻄﺎﻥ ﻣﻦ ﻳﺪﺧﻞ ﺑﻴﻦ ﺍﺛﻨﻴﻦ ﺍﻟﻠﻪ ﻳﻠﻌﻨﻪ ﻻﺯﻡ ﻳﺤﺮﮔﻬﺎ
ﻑ ﻛﻞ ﻭﺍﺣﺪ ﺑﻴﻬﻢ ﺭﻛﺾ ﺟﺎﺏ ﺍﺳﻼﺣﻪ ﻭﻛﻌﺪﻭ ﻭﺍﺣﺪ ﻳﺮﻣﻲ ﻉ ﺍﻟﺜﺎﻧﻲ
ﻭﺍﺣﺪ ﻣﻨﻬﻢ ﻣﺎﺕ ﺑﻤﻜﺎﻧﻪ ﻭﺍﻟﺜﺎﻧﻲ ﺗﺼﻮﺏ
ﻓﺰﻋﻮ ﺍﻫﻞ ﺍﻟﻤﺎﺕ ﻭﻛﻠﻤﻦ ﺟﺎﺏ ﺍﺳﻼﺣﻪ ﻭﻫﺪﻭ ﻋﻠﻰ ﺑﻴﺖ ﺍﻟﻘﺘﻞ ﺍﺑﻨﻬﻢ
ﺑﺲ ﻟﻼﺳﻒ ﺍﻫﻞ ﺍﻟﻘﺎﺗﻞ ﻣﻦ ﺷﺎﻓﻮﻫﺎ ﺻﺎﺭﺕ ﺣﺎﻣﻴﻪ ﻋﺎﻓﻮ ﺍﻟﻨﺴﻮﺍﻥ ﺑﺎﻟﺒﻴﻮﺕ ﻭﺍﻧﻬﺰﻣﻮ
ﺍﻫﻞ ﺍﻟﻤﻴﺖ ﺑﻌﺪﻩ ﺻﻮﺍﺑﻬﻢ ﺣﺎﺭ ﻭﺗﻮﻫﻢ ﻣﻴﺖ ﺍﺑﻨﻬﻢ ﻭﮔﻠﻮﺑﻬﻢ ﻣﺤﺘﺮﻛﻪ
ﻭﺍﻟﺸﺒﺎﺏ ﻣﺎﺗﺮﺿﻪ ﺗﻜﻌﺪ ﻛﻞ ﺷﻮﻳﻪ ﻭﺍﺣﺪ ﻳﻬﺪ ﻳﺮﻳﺪ ﻳﺎﺧﺬ ﺛﺎﺭ ﺍﺧﻮ
ﺍﻟﻤﻬﻢ ﺛﺎﻧﻲ ﻳﻮﻡ ﺻﺒﺤﺖ ﺑﻴﻮﺕ ﺍﻟﻘﺘﻞ ﺍﺑﻨﻬﻢ ﻓﺎﺭﻏﻪ
ﺗﺮﻛﻮ ﺣﻼﻟﻬﻢ ﻭﺑﻴﻮﺗﻬﻢ ﻭﻫﺠﻮ ﻣﻦ ﺍﻟﻤﻨﻄﻘﻪ
ﻭﺭﻩ ﺳﻨﻪ ﺍﺧﻮ ﺍﻟﻤﻘﺘﻮﻝ ﺷﺎﻑ ﺍﻟﻘﺎﺗﻞ ﻭﺍﺧﻮ ﺑﺎﻟﺴﻮﮒ
ﺭﻛﺾ ﺍﻟﺴﻴﺎﺭﺗﻪ ﺟﺎﺏ ﺍﺳﻼﺣﻪ ﻭﺿﺮﺑﻬﻢ ﻛﺘﻠﻬﻢ ﺍﺛﻨﻴﻨﻬﻢ
ﺍﻟﻠﻪ ﺷﺎﻫﺪ ﻭﺭﺳﻮﻟﻪ ﺻﺎﺭ ﺳﺒﻊ ﺳﻨﻮﺍﺕ ﻋﺎﻟﮕﻪ ﺑﻴﻨﻬﻢ ﻭﺍﺣﻨﻪ ﺑﺎﻟﻨﺺ
ﻣﻦ ﻳﺮﻣﻮﻥ ﻧﺪﺧﻞ ﻟﻠﺒﻴﺖ ﻻﺗﺠﻴﻨﻪ ﻃﻠﻘﻪ ﺗﺎﻳﻬﺎ
ﻟﺤﺪ ﺍﻻﻥ ﻣﺎﺕ ﻣﻦ ﻛﻞ ﻋﺸﻴﺮﻩ ﺳﺒﻌﻪ ﻭﺍﺛﻤﺎﻧﻴﻪ
ﻭﻣﺎﺑﻄﻠﻮ ﺛﺎﺭﺍﺗﻬﻢ
ﺍﺩﺧﻠﺖ ﺍﻻﻣﻪ ﻭﺍﻟﺴﺎﺩﻩ ﻭﺍﻟﻌﺸﺎﻳﺮ ﻭﻫﻤﻪ ﺑﻌﺪﻫﻢ
ﺣﺎﻟﻴﺎ ﺗﻘﺮﻳﺒﺎ ﻫﺪﺉ ﺍﻟﻮﺿﻊ ﺑﺲ ﺷﻨﻮ ﺍﻟﻤﻘﺎﺑﻞ؟؟
ﺛﻤﻦ ﻓﺼﻠﻴﺎﺕ
ﺍﺭﺑﻌﻪ ﻣﻦ ﻛﻞ ﻋﺸﻴﺮﻩ ﻳﺘﺒﺎﺩﻟﻮﻥ ﺍﻟﻔﺼﻞ
ﺣﺘﻰ ﺑﻌﺪ ﻣﺤﺪ ﻳﻜﺪﺭ ﻳﺨﺎﻟﻒ ﺍﻭ ﻳﻜﺴﺮ ﺍﻟﻘﺮﺍﺭ
ﺷﻨﻮ ﺫﻧﺒﻬﻦ؟؟
ﺭﺟﺎﺋﺎ ﺍﻟﻤﺎﺗﻌﺮﻑ ﻭﻣﺎﻋﺎﻳﺸﻪ ﺍﻟﻀﻴﻢ ﻻﺗﺠﻲ ﺗﺤﺠﻲ ﻉ ﺍﻟﻘﺼﻪ
ﺗﺎﺭﻛﻪ ﺍﻟﻘﺼﺺ ﺍﻟﻲ ﺛﻼﺙ ﺍﺭﺑﺎﻋﻬﺎ ﺟﺬﺏ ﺑﺠﺬﺏ ﻭﺟﺎﻳﻪ ﺗﺴﻘﻂ ﺑﺮﻭﺍﻳﻪ ﺻﺎﺣﺒﺘﻬﺎ ﺭﺍﺩﺗﻜﻢ ﻋﻮﻥ ﺍﻟﻬﺎ
ﺗﺮﻩ ﺍﻟﻠﻪ ﻓﻮﮒ ﺭﺍﺳﻨﻪ ﻭﺩﻭﻻﺏ ﺍﻟﻮﻛﺖ ﻳﻔﺘﺮ
ﻭﻫﺎﻱ ﺍﻣﺎﻧﻪ ﺑﺮﮔﺒﺘﻲ
ﺍﺷﻜﺮ ﺍﻟﻲ ﺍﺗﻔﺎﻋﻠﻦ ﺑﺎﻟﺮﻭﺍﻳﻪ ﺭﺑﻲ ﻳﺠﺰﻳﻬﻦ ﺧﻴﺮ
ﻭﺍﺭﺟﻊ ﻭﺍﮔﻮﻝ ﺩﻋﻮﺍﺗﻜﻢ ﺍﻟﺰﻧﻮﺑﻪ
ﺍﻋﺬﺭﻭﻧﻲ ﺍﻃﻠﺖ ﻋﻠﻴﻜﻢ ﺑﺎﻟﻜﻼﻡ ﺑﺲ ﻛﺎﻥ ﻻﺯﻡ ﺍﻭﺿﺢ ﺍﻟﻨﻘﻂ