رواية اقتلني اشفيني الفصل السادس 6 بقلم سومة ناصر
Part 6 "في هذه الحياة ستتعلم كل شيء وحدك إلا القسوة، سيقوم شخص آخر بتعليمها لك"
_____________
في الصبح .....
ركان .....اول مبديت نتحرك حسيت حاجة ع صدري رزينة فتحت عيوني وشفت شعرها عليا صنته يالي تخليك تنسى وجها ملامحها وبعدين تجيني صورت أمي ونتحول للشخص يالي يكره ويبي ينتقم بس 
ملك ......اول مفتحت عيوني شبحته يشبحلي وعيونه ناررر
ركان ......انتي شن جابك هني بجنبييي وفوقق سريييري تكلللمي ال&$&
ملك .....اول حاجه صبح ومش لازم تعيط وبعدين انت يالي شدتني معاش عرفت نتحرك غفيت بجنبك من غير قصد كنت وقتها تحلم وتتكلم
ركان ....يعني توا بتقنعيني إني أني نوضت وجبتك وقوتلك تعالي موتي بجنبي
ملك ....كيف بتتكلم الجرس ايرنن ...
ركان ....اقعدي هني تو أني نمشي نفتح
__________
عند سمير ......
خيرية ....تعالي بنتي قعمزي وتسمعي بوك شن قال
يقين .....صباحووو شن فيه بابا
سارة .....تو اني نقوللها عمي
سمير .....اي منك احسن
يقين .....شن فيه
سارة...... عمي وعمتي بيمشو العمره
يقين .....مبروووووك ماما وبابا 
سمير .....لاكن مش معناته تخدي راحتك في الحوش ف إيهاب وتامر وحقة وينه إيهاب ومرته وتامر من امبارح معاش شفناه
خيرية .....إيهاب ورهف مشو لكافي قالو بيفطرو برا وتامر امبارح روح الفجر
سمير .....يسلام تبيني نمشي العمرة وواحد اروح الفجر منندريش عليه معا من ساهر والتاني طالع من الصبح بيفطر برا ولا خدمة لاشي يعبيتي لغدييييي اكونوووو ولاااادك هني فاهههمة 
خيرية ....خلاص تو نكلمهم متتعصبش
_______________
ركان .....هيا جاي
الراجل ......تفضل هادا فطور ليك أستاد
ركان ......أني مطلبتش
الراجل .....منعرفش فيه واحد اسمه مؤيد طلب وعطانا العنوان
ركان ....ايه صح شكرااا ...وسكر الباب .....اففف مؤيد من حركاتك
ملك.....خفت اوالي نوضتت خشيت الحمام دوشت طلعت دورت لبسة ف نهاية اخترت جامسوت نفس لون عيوني حلو وكماما كات وبين ملامح جسمي شوية
ركان ....اول مخشيت لمحت بجمسوت إمبين ملامح جسمها قعدت نشبح وفنفس الوقت منبيش نضعف ....تعالي كان بتفطري
ملك .....نزلت وراه وأني مشعارفة نصيبي لوين هوصلني
ركان .....قعمزت فطرنا وأني ساكت مكنتش نبي نعاقبها من اول يوم لأن لازم نمشي للشركة وميت حاجه مازالولي مدرتهمش كملت فطور وطلعت سكرت الحوش علاها ومشيت للشركه
_______________
رهف ......هههههههه ياسر عاد يقلبي
إيهاب.......تعادي مافي حاد هههه
يقين .......فيه وأنت الصادق الحمد ع السلامة
إيهاب ......شديري هني
يقين ......ممر يالي يرفع للكوجينه هادا وبعدين بابا قال نبيكم ف لغدي وانتي مرت خوي تعالي للكوجينه سعدينا شوي قالت ماما طبعا
رهف ....اييي حبيبتي يقين أسفة الحق تعبانه تعرفي
يقين .....ومن شني
رهف .....حاجات متزوجين ههههه هيا بيبي تعالى ...ومشو
يقين .....
يعععع
يعععع خيرية ......خيرك وقفة هني مصدومه شن فيه
يقين ...ءءء لاشي غار كنت نهدرز معا إيهاب ومرته بس
خيرية .....روحو باهي ألحقيني الكوجينه فيسع اليوم الطباخة مجيتش وشوفي تامر كانا ناض
يقين .....قديش حاجه مندير بسسس ...ومشت
_ تامر ......متكي ع السرير ويفكر .....زعمه القرار يالي خديته صح ياربي منبيش نندم عليه لاكن هيا البنت طلبت مساعدي اوففف
طققق....
تامر ....خوشش
يقين ....تاموري قتلك ماما انزل للغدي بعدين
تامر .....ءءباهي اصلا توا عندي مشوار شوي ونجي
يقين .....اوكي لوين 
تامر ....علاش وبعدين حولي من قدامي شندخلك وين .....وطلع
يقين .....اوف شن قولنا..
______________
رهف .....ايه قاعدة ف الحوش توا
مجهول ....باهي دبري ابعتها نبها تطلع الليلة بش نخطفها فاهمه
رهف ....تمام خلاص تو ندبر 
خيرية ....رهف هيا بنتي تعالي منحطو لغدي
رهف .....هاياااااا جاية
______________
سارة .....( واقفة ع الروشن ) وتفكر وتتكرر ف ذكرياتها....
يقين ......سارة
سارة ....تعالي يقين
يقين.....جيت منديك للغدي بابا يبينه ملتمين قبل مايمشو للعمرة
سارة .....تعرفي فرحت اول ماسمعت انشالله يمشو وروحو بالسلامه
يقين ....انشاء الله هيااا تعالي راهو ماما مدايرة رز مسقي حتى عمر خوي كان احبه
سارة ....
ايه كان ديمه اقولي ديري هولي
ايه كان ديمه اقولي ديري هولي يقين....أسفه حببتي فكرت فيه
سارة......عادي أصلا منسيتاش
____________
سمير .....إيهاب قول ملقتش خدمه ولا شني
إيهاب .....اءءء قاعد اندور
سمير .....معاش ادور تو ندورلك خدمة عند حاد من صحابي
خيرية ....وعلاش اهو عندك شركات خيرك متخدمش ولدك عندك خير من البرانية
سمير .....منبيش حاد اقول لولا بوه راهو مش لاقي من يخدمة
إيهاب.....باهي بوي دير رايك
رهف .....سارة وانتي انته تولي لخدمتك
سارة .....منعرفش قاعدة مقررتش
خيرية .....وعلاش تبي تخدم العفو لباها لعلاها سكنه معانه مش ناقصتها حاجه
سمير.....هييي فكونا عاد من الدوة وبعدين سارة حرة امتى متبي توالي وبعدين وين تامر
تامر ....أني هنييي
كلهم..
_________________
ركان ......روحت للحوش اول مخشيت لقيت طاولة متاع الاكل واتية استغربت بعدين تفكرت أني متزوج
ملك ....أهلين تبي تتغدا تواا
ركان ....( قدم وشدها من يدها ) انتي متفهمييشششش يبنت ولاااا شنيييي
ملك ....يديييي ركاااان خيييرك
ركان .....وتقولي حتى ف إسمي وعندككك الجرأة يكدااابة
ملك .....أني مششش كدااابه
ركان .....ايههه بش كداااابةةة لأنك م ج ر مهه
ملك ....ش ش شنتقوول انتتت مريض نفسي
ركان .....أني مريض نفسي صار شدتها من شعرها وقتها محسيتش بشي يمكن لان منحبش حاد ايبان قوي بسبب كبريائي او يمكن الغضب يالي عاميني ع طول لوحتها ف الدار وسكرت علاها...
ملك ......مكملتش كلامي وشدني مش شعري لوحني وسكر عليا الدار تقول كلبه مش مندمه
ركان .....لمه تفكري شن ديرتي زمان وقتها نطلقك كانهادا ولاا تحلمي فاهمه
ملك ....حاطه يدي ع راسي حسيت شعري قريب تحول وهوا وراء الباب اهدد وبعدين شن يخرط هادا وكدب شني اوفففف تلفوني وين اهوااا فوق المكتب وأول مفتحته لقيت رسايل من أمجد 
________________
تامر .....أني هني بوي
خيرية ....مني هادي يلي معاااك
سمير.....مني هادي تكلم يل ولد
تامر .....هادي مرتي نجوى
الكل .....ءءء
رهف ......مبروك سلفيي
إيهاب.....اسكتي معاش تخرطي
خيرية .....شن تقول يولد كيفففف تتزوج هكيي لاعلم لا شيرااا تكلممم
سمير .....أنت هبلت ولاااااشنيييي
يقين ....كان حلمي نديرلك عرس وخي خسارة
سمير .....سكري فمك وانت تعالى الحقني فوق
نجوى ....شدت ف يد تامر
تامر ....متخافيش شوي ونجي
نجوى ...تمام
ركان .....قعمزت انفكر ف يالي صار معقولة نتحول لوحش هكي لازم ندير يالي ف راسي ع خاطر أمي
ملك .....فتحت الرسايل يالي من أمجد وع طول نصدمت
( معقولة أني نهون عليك ملوكتيي معقولة تتزوجي )
( أني يالي وثقت فيك وحبيتك علاااااااش باهي علااااش )
( مبروك اليوم فتحتك )
( مش هنسمحك أرجوك ردي عليااااااا نبي نفهمممم )
كل رسالة قريتها ميت دمعه طاحت من عيني مش قادرة مش قادرة نتحمل الواقع يالي أني فيه وزواجي من ركان يالي منعرفش علاش تزوجني واحد مريض وقبل منتصل ب أمجد بلكي اسعدني سمعت المفتاح متاع الباب ع طول حدفت التلفون تحت السرير
ركان .....نوضيييي
ملك .....شن تبي مني
ركان ......قتلك نوضي متبيشش تتطلعي ولا كيف بدلي عمك عزمني قالي تعالو ع لعشي يبينه ف موضوع ما موضوع
ملك ......أخيراااا منطلع من حبسك
ركان ......حبسي تنتي قاعدة مشفتي شي وبعدين رودي باااالك ياليي يصير بناتنا يطلعععع نقتلككك يمجرمه
ملك .....معاااااااااشششش تقوليييي مجرمههههه أنيي مقتلللللللت حااااد وقاعدة مكملتش وشدني من شعري
ركان ..... أنتي متفهميشششش شككككلك إلا بطريقههههه التانياااااااا شننننن رايككك 
ملك ......لااااا خلاااااااص معاش نعاودهاااا وعد
ركان .....سيبتها لان منبيش ندير حاجه نندم علاها بعدين .....طالع المغرب نلقاك واتية ...وطلع
_______________
سمير .......علاااااش تزوجتها اا
تامر........إنحبهاا
سمير .....كدااااب
تامر .....علااااش منكدب عليك يا بوي إنحبها
سمير .......قاااعد تكدببب حط عينك ف عيني وقول الحق علااااش تزوجتها
تامر .....قوتلك نحبهاااااا شن حرام
سمير ......حرااام الكدب ع بوك وله بلكي فيها حاجه وبتستر علاااها تكلم
تامر ...ءء مفيش شي
سمير .....باهي وين أهلها
تامر .....ميتين ويتيمه عايشة معا حناها من فترة حناها توفت وكلمتني فقررت نتزوجها
سمير .....باهي علااااش مقتليش راهو أني وأمك خطبناها ودرنالكم عرس
تامر ......هياااا متبيش زعلانه ع حناهااا وبعدين حتني تعرفني يا بوي جو هادا ميمشيش معاي
سمير......رغم إن كلامك مأقنعنيش لاكن هنعرف السبب وما بين مروحت من العمرة أني وأمك هتقعد انت وياها هني ساكنين فاهم ولاااا
تامر .....حاضر بوي وصدقني مستحيل ندير حاجه غلط تزوجتها مش متقعدش ف شارع ولأن ءءءانحبها زي مقتلك
سمير .....يصير خير
____________________
خيرية .......تعالي قعمزي ولاا بتقعدي واقفه 
سارة .....تعالي حبيبتي متتحشميش تفضلي
نجوى ......صحيتي
خيرية ......كنا في وحدة ولينا في زوز علااااش هكي نصيبي ف لكنايين بسسس
رهف ......معليشي عمتي حتني مش موافقه زيك راهو
خيرية .......سلمها كنتي انتي الوحيدة يالي عاقله بس
سمير ......ياسرررر يمرأه من الدوة ترااااا وزي ما سارة كنتنا لكبيرة ورهف حتى نجوى من كناينك ومنبيش فرق بيناتهم فاهمه ولاااا
خيرية .....ءءءتمام وناضت ركبت فوق وهيا قالبه وجها
سمير ......نوضي يقين نضمي دار خوك تامر فيسع
يقين .....حاضر بابا ...ومشت
سمير ....قعمز ومقابله كناينا التلاته .....أسمعوني كويس أني توا فترة وطالع فاها للعمرة كل وحدة فيكم تعتبر سلفتها أختها وصحبتها منبيش نروح وتقولي يقين صار وصار فاهمين
سارة ...حاضر عمي
نجوى ......أكيد
رهف ......متخافيش عمي ع الحوش كون هاني
سمير ......مدامه ولادي الزوز متحدين منخافش إلا من يعبي في روسهم ويحقد ع عيلتي 
.....وطلع
.....وطلع رهف .....ركبت فوق وعارفه لكلام علااااها
________________
ركان .......أيواااا مؤيد
مؤيد ......اووووو عريسسس شنجوك
ركان ......لا عريس لاشي بالله فكني
مؤيد .....خيرك شنفيك
ركان .....سمير عزمني للعشي يبينا قال ف موضوع
مؤيد ......ايااااه تلقااا موضوع سخيف غار هوا يخرط
ركان ......اليوم منمشي ونبيك تراقبلي الحوش متاعي من إخش ويطلع مرات ف راسة حاجه
مؤيد .....تم ركان......وسكر
_______________________
رهف ..........تو تشوف يسمير ع من تلقح
مجهول.........أيوااااا رهوفتي شن إستحشتيني
رهف .........سكر فمك مش ناقصاتك فاهم
مجهول .......شن فيه
رهف .........الليله إتم موضوع يقين فاهم وله
مجهول .......تعرفي كل متقولي يقين ونتفكر الصور متاعها مشعارف شن يصيرلي
رهف ......تباهي سكرفمك تواااا بعدين تعشى باها الحلوة هههههههه
مجهول .......ليا هلبا ع البسبوسه هههههه
رهف .......مبردك إقلب وجهك تواااااا
..وسكرت ......___________________________
في الليل ............
عند ركان .........
ركان ........وصلت الحوش ع طول خشيت لدار النوم وشوفتها كانت بش ملك يالي نعرفها أني كانت ملاك بكل معنى الكلمه
ركان .......أنتي واتية
ملك ...ءءء خلعتني
ركان .....تقريباا مش غوله بش نخلعك وبعدين مكتره برفان هلبااااااا غيري القفطان قصير
ملك ......مفهمتكش إمبكري تشح فيا من شعري وتسب وتقولي مجرمه وأني منعرف شندرتلك وتوا غااااير عليااا
ركان ........إنغااااااااار وعليييييك تحسابيني مهبول مانا بري إقلبي وجهك غيري القفطان منبيش الناس تضحك عليااااا
ملك .......تو نغير أطلعع باهي
ركان ....خمسة دقايق نبيك لوطه فيسسسع.....
____________________
تامر .......تعالي مننزلو عازمين أختي ملك
نجوى .......صدقني تامر منبيش إنضايقك انت وعيلتك هيا سنه لين إنجيب وبعدين تقدر تتزوج وحدة تانيا او يمكن ف بنت تحبها وأني حرمتك منها
تامر .......نجوى مش ضروري نعاود نفس لكلام تفكري شن قوتلك يوم المستشفى وله لمه قولتيلي ساعدني
نجوى .....إيه وقتها قوتلي( نتزوجك ونعتبر ولدك ولدي ونربي لاكن بشرط زواجنا ع ورق يقعد لين نلقه بوه الولد وتتطلقو بعدين كل واحد يمشي ف حاله ونأمنك أنتي وولد كل شي ) وأني قتلك موافقه وقتها
تامر .....معناته طول فترة زواجنا لازم نتصرفو كأن متزوجين ومافيش حاد لازم يعرف بشي تمام
نجوى .....تمام
تامر .....معناته وتي روحك وأنزلي
نجوى ...ءء.
تامر ....خيرك
نجوى .....معنديش شي نلبسه
تامر ......تمام تو نقول ليقين تجبلك حاجه
نجوى .....مشعارف كيف منشكرك بجد كفيت ووفيت صحيت
تامر ....معاش تقولي هكي بعدين حتى ولو زواجنا ع ورق هادا واجبي ولمه نفضه هنطلعك وعد
نجوى ......إكتفت بإبتسامه
_________________
ركان .....واقف وشاد التلفون ......
ملك .......كملت
ركان .....معناته هياا تأخرنا ومن توا منيش معطل معنديش جو
ملك ...بينها وبين روحها ....أمتى عندك جو نكدي
ركان .....شن قولتي
ملك ....لاشي حتني معنديش جو
ركان ....مرتانيه كان بتعزقي كلمه قولاها بصوت عالي ....وطلع
ملك ....ننننننن 
__________________
ركان .....مؤيد هاك المفتاح ورود بالك
مؤيد .....ولا إهمك تو نتصرف
ملك ......نمشو
ركان ......هيا
ملك .....مني هادا
ركان ....تلفت فنص تفنيصة متاع مدخلكش وطقطق ....
ملك .....اوووفففف شن قولنا حني
ركان ......إنتي ديمه هكي زي المهبوله تهدرزي بروحك
ملك .......أني مش مهبوله فاهم ولااا
ركان .......طلعلك لساااان لاكن أني تو انقصه غار انروح للحوش بس ......
سمير ....أهلين بنتي
ملك .....ع طول قدمت وحضنته رغم إني زعلانه منه لاكن مقدرتش هوا بمثابة بابا 
سمير .....أهلين ركان خوش
ركان .....( أكتفي بإبتسامه )
خيرية ......مرحبتين بنتي أنستينه ....وقدمت وحضنتها ...
ملك .......إستحشتك مرت عمي وين يقين والباقي
خيرية ....في الصالون تعالي يستنو فيك
وراجلك وينه
ملك .....خش مع عمي في المربوعة
يقين ......ملوكه يكلبة ايستحشتك
ملك ......وأني قريب نهبل عليك
سارة ......شنجوك ملوكه
ملك .......سرو إستحشتك حتى انتي
سارة ......حتني الحق خليتي مكانك في الحوش
رهف ......العفو أمتى فضيتي تستحشيهم أني لمه تزوجت قعدت شهر بش نتفكر أماليا إيهابو مدللني ومنسيني روحي
يقين 
خيرية .....تحشمي رهف كلام مينقالش قدامي فاهمه
ملك ......مستحيل ننسى من رباني وكبرني حتى لو مشيت لقصر ووليت أميرة
يقين .....وبعدين ملوكه من قبل ما تتزوج أميرة
ملك .....من بعدك
من بعدك سارة ......خلاص شن منقعدو نتنقشو تقول ضراير إحكيلنا ملك ركان كويس معاك .....
ملك .....ءءء
_________________
إنتهي البارت إستنو البارت الجاي هيكون 