رواية اجنحة الاحلام الفصل الثالث 3 بقلم مريم وليد

- كنت بتفرج على الولد، كنت جاية بس أنتَ سبقتني.

كمِل بِمُراوغة:

- المرة الجاية هتسبقيني أنتِ.

بصيت لُه بعدم فهم فضحِك:

- فيه كلب شكله جعان، معايا أكل كلاب.. تيجي معايا نأكله؟

بصيت لِلكلب فكان شكله لطيف، سبقته وجريت ناحيته، بدأت ألاعب الكلب واعتقد بقينا صحاب، وبالفعل بدأنا نأكله، أكَل وشبع.. معتقدش هو لوحده، هو وأصحابه اللي حب إنهم ياكلوا معاه.

- شكلك قلبك طيب..

ابتسَـمتله بهدوء:

- وأنتَ كمان، مصر طلع فيها حاجة عِدلة لسه.

ابتسَـم وقبل ما يرُد تليفوني رن، رديت بابتسامة وقبل ما أتكلم وصلني صوت:

- عمار ماله!

كملت بخضة:

- أنا، أنا جاية حالًا..